細佬病了

唉，呢兩日細佬病了，流鼻涕，前晚鼻塞不停醒，好在今日轉好了一點，但沒胃口食嘢，由肥仔變瘦仔了！快些好番啦，細佬！

家姐學寫字

這幾天，家姐開始學握筆，呢幾日學寫點點，每天也要做一版作業，三歲就開始天天有功課。幸好，她也很開心地做！奶奶對她要求有些高，前日點五十點、昨天點一百點、今天要求她點一百五十點。我覺得不用了，每天有適當練習就夠了，如果每天加五十點，做嘅時間很快由五分鐘變十五分鐘，時間一長，就會悶，也很快對功課失去興趣，而奶奶對某些點形狀也不滿意，哈！可能我覺得那功課目的是嘗試，並不要求做得非常靚，所以暫時我沒要求佢要寫得靚，讚賞她肯用心點及數一百已經夠了，大把時間做功課，如何能教奶奶放鬆點？哈！

霖霖家姐

這幾星期覺得霖霖大個很多，搭搭下𨋢主動同陌生人講嘢，話自己係家姐，三歲了，因為一向佢都係怕怕羞羞的，竟然同唔識嘅人講咁大聲，真係長大了！

佢今日試自己食粥，我都知我煲嘅粥唔太好味，佢亦都好唔慣冇人餵佢，所以食得好慢，原本我地都想放棄，叫佢唔食就算，落地下，佢竟然唔肯落，最後半氹半讚再加些餸，終於都食完，佢自己都好開心！

尋日番幼稚園聽新學年安排，覺得老師講得好啱，我地應該做重點，唔好偏離重點！加油！我都要好好學習！