第二個星期（26-Jun -> 5-Jul)：-4.5磅 （168.6 -> 164.1磅）
我的餐單：
早：1奶+3穀+1肉+1脂肪
午：4穀+2肉+1菜+1脂肪
茶：2水果
晚：3穀+2肉+1菜+1脂肪
特別餐單：
（一）一晚薯仔湯：
薯仔1.5個、瘦肉兩両、菜（任加）
（二）一午一晚粟米片：
粟米片、吞拿魚四湯匙、菜
我的一週運動：
平均時間：55.7分鐘 / 日
總時間：390分鐘
由於每星期中午要搵兩日見c, 之前我一向也是中午跑步，依家打算要見c嘅朝早自己喺屋企跳鄭多燕，星期二朝早跳了40分鐘，也是全身濕哂，超爽！
C開左兩日特別餐我星期三四食，星期三飲薯仔湯，原來薯仔是高鉀食物，可以去水腫，除加薯仔，還有番茄、豬肉同紅蘿蔔，剛跑完步飲一大碗，超正！
星期四中午就吃沙律加粟米片同脫脂奶，兩樣我都好鍾意，原來減肥都可食好飽！
星期五再見c又輕兩磅二，勁開心呀！似乎運動加薯湯同粟米片餐好勁！下星期繼續keep住先！好在我自己呢排好鍾意食沙律，希望減完都會照食到啦！c說我運動好足，繼續保持！還差三四磅就完成我今個月目標，想不到進度如此理想！
星期六還帶兩個細路去游泳池游水，雖然喺水中只是踢水，沒怎麼真正游，但去泳池又要抱細佬，回程又抱，所以比跑一個鐘步還要累！回來還煲了薯湯及焗大磨菇，不過臨睡前煲了紅豆沙湯圓，破戎了！我老公說將來要是減了十幾磅就抱一個跑，那卡路里不會因減磅而減少，哼！
