黃C9減肥第六星期：總吃了六球雪榚，太貪吃了

第六個星期（27-Jul -> 2-Aug)：-3.6磅 （160 -> 156.4磅）

我的餐單(跟上三個星期一樣）：

早：1奶+3穀+1肉+1脂肪

午：4穀+2肉+1菜+1脂肪

茶：2水果

晚：3穀+2肉+1菜+1脂肪

特別餐單：

（一）兩餐薯湯：

薯仔1又1/3個、肉兩份同其餘菜任吃。

（二）一日粟米餐：

早：粟米半條+麥包一片+脫脂奶一杯、午：粟米半條+吞拿魚2湯匙+菜+青蘋果、茶：粟米半條、晚：半碗粟米粒+2隻蛋+菜

（三）一日高纖餐

早：燕麥方脆一碗+脫脂奶一杯+蛋一只

午：菜一大碗+肉兩份+粟米粒半碗+番薯一條

茶：西梅6粒

晚：紅米/白米一碗+菜兩大碗+肉兩份+西梅6粒

我的一週運動：

平均時間：31.4分鐘 / 日

總時間：220分鐘

嘩，星期一發左狂，首先是澳門自助餐，其實我算收斂，五穀只吃了一片麥包，菜一大堆，肉吃了四片煙三文魚，但甜品是兩球雪榚，哈！一向勁鍾愛甜品的我蛋糕也沒吃，實在難得！

回來香港，奶奶幫忙看著兩個細路，可以同老公撐枱腳，去了燒肉店，幸好沒有放題了，所以肉約吃了四份（超哂標！），甜品是雙球雪榚（和老公兩份吃）。

星期三公司突然派了200蚊雪榚劵，忍唔住又吃兩球，真放肆！但沒想到星期四上磅，可以兩日輕2.2磅，難度我也有奇妙嘅身體！

不過，運動依然要照做，這幾天天晴，可一星期跑四天，爽！原來這個月很厲害，跑了九十五公里，等於240個400米運動場，難以置信！

跑步三要、三不要

要 (我自己做到兩樣)：

1. 跑前後拉筋（有時做到）

2. 跑後喝果汁（做不到，感覺好肥，最多下午茶食個生果吧）

3. 跑步鞋 （做到）

不要 (做到全部, YEAH!!) ：

1. 天天跑（做到）

2. 快速跑（做到，最快都是龜速！）

3. 只跑20分鐘 （做到，每次最少30分鐘）

http://blog.udn.com/mobile/gono1/7487691

黃C9減肥第五星期：澳門旅行前減減減！

第五個星期（20-Jul -> 27-Jul)：-0.5磅 （160.5 -> 160磅）

我的餐單(跟上三個星期一樣）：

早：1奶+3穀+1肉+1脂肪

午：4穀+2肉+1菜+1脂肪

茶：2水果

晚：3穀+2肉+1菜+1脂肪

特別餐單：

（一）兩餐薯湯：

薯仔1又1/3個、肉兩份同其餘菜任吃。

（二）兩日粟米餐：

早：粟米半條+麥包一片+脫脂奶一杯、午：粟米半條+吞拿魚2湯匙+菜+青蘋果、茶：粟米半條、晚：半碗粟米粒+2隻蛋+菜

我的一週運動：

平均時間：31.4分鐘 / 日

總時間：220分鐘

唉，今個星期沒跳舞堂，加上不停落雨，只可室內運動，四朝早起身，跳三日鄭多燕舞，一日踏凳仔，明顯沒跳舞同跑般超爆汗，加上上星期日去了自助餐，搞到只輕了0.5磅，有點少！

唯有勤力吃特別餐，忍不住買了turbo Fire DVDs, 希望跳到啦！見朋友們跳完都超爆汗，鄭多燕已經滿足不了我😆😆！

星期五還和大囡同學嘅媽媽們打乒乓球，個個媽媽都要打波keep fit, 媽媽們有這種健康嘅活動也不錯！而小朋友們都可齊齊玩一番，正！

黃C9減肥第四星期：愛上跑步！I can't stop now!

第四個星期（13-Jul -> 20-Jul)：-3.3磅 （163.8 -> 160.5磅）

我的餐單(跟上兩星期一樣）：

早：1奶+3穀+1肉+1脂肪

午：4穀+2肉+1菜+1脂肪

茶：2水果

晚：3穀+2肉+1菜+1脂肪

特別餐單：

（一）一餐一午一晚粟米片：

粟米片、吞拿魚四湯匙、菜

（二）兩餐薯湯：

薯仔1又1/3個、肉兩份同其餘菜任吃。

（三）一餐粟米餐：

早：粟米半條+麥包一片+脫脂奶一杯、午：粟米半條+吞拿魚2湯匙+菜+青蘋果、茶：粟米半條、晚：半碗粟米粒+2隻蛋+菜

早午茶晚四餐也粟米，勁愛粟米的我無難度！

（四）M餐：

早：1奶+1穀+1肉+1油

午：6肉（正！可食雞比一隻 / 魚生12片 / 牛扒一塊）+菜任吃

茶：生果一份

晚：1穀+1肉+菜任吃+生果一份

我的一週運動：

平均時間：47分鐘 / 日

總時間：330分鐘

因為減肥，愛上跑步！由小學已是肥妹的我，很怕跑步，因為唔係腰痛就是膝蓋痛，但這次我先是急步行了好幾個月，其實差不多年多了，愛上吃完飯落去走走，有時逛街，有時逛海邊。轉了工就去了銅鑼灣做，海邊沒路行，唯有去馬場走走，但發現太多人跑，只行有點怪怪的！所以就試了半行半跑兩三個月，之前就可全跑了，感覺超爽，出一身大汗！

星期一好厲害，跑了三十幾分鐘，加行了十幾分鐘！原本想全跑，可惜太熱了，頂唔住焗爐般的中午，轉行也好，應該也可燒脂！

7.79公里，是我跑得最遠嘅距離，相信我就可挑戰十碼馬拉松吧！哈，感覺超爽！

星期二放工見營養師，竟然大跌2.8磅，

原來要求m餐（m餐是雞肶餐，勁想食！），但c說不可以給，就算了，誰知夜晚就來m, 怪不得之前增磅，今天又跌磅，最明顯是我突然頭暈，好彩c像神算般沒開美味雞肶餐比我！

星期五見c, m第四日，原來雞肶餐是m中開的，勁開心！雞肶牛扒等緊我！

弊了，星期日去左科大自助餐有點破戒，m餐中午六份肉吃對了，但還吃了少許澱粉質，下午茶吃了四塊朱古力薯片，輕了點就鬆懈，希望下星期勤力運動一點！

黃C9減肥第三星期：體適能班是咩東東？

第三個星期（5-Jul -> 12-Jul)：-0.3磅 （164.1 -> 163.8磅）

體脂（由第一星期39.6% -> 38.5%）

我的餐單(跟上兩星期一樣）：

早：1奶+3穀+1肉+1脂肪

午：4穀+2肉+1菜+1脂肪

茶：2水果

晚：3穀+2肉+1菜+1脂肪

特別餐單：

（一）兩餐一午一晚粟米片：

粟米片、吞拿魚四湯匙、菜

我的一週運動：

平均時間：40分鐘 / 日

總時間：280分鐘

唉呀呀，減得0.3磅，很少，要加油跟緊些餐單同做多點運動！

這個星期一放工去上體適能班，其實不太知道做什麼，上堂前先見一見營養師，比上星期五輕了1.4磅，算不錯了！

然後就上堂，原來是一對一見教練的，先了解一下我嘅運動量、心跳和拉筋情況，我減肥期每星期跳兩小時健體舞，跑三至四小時步，他說勉強也可以（其實已是我極限吧！）但我運動一定要量心跳，要不然可能效果不明顯！而且我只是運動後拉兩至三分鐘筋，不太夠，運動前後也要拉三至五分鐘。

接著便是測量我嘅心跳功能，首先我靜止時心跳約69，接著做三分鐘踏凳仔，原來挺辛苦的，再量心跳達148，嘩，原來心跳越快代表個心越弱，教練說你做運動一個月後會有改善，其實我都跑左超過一個月，可能第一次踏凳仔，唔慣那速度快及上落節奏，自己屋企也玩玩吧！

接著是問問題時間，我問需要肌肉鍛鍊嗎？他說你先減脂10%，才加肌肉吧😂😂！確實，近40%脂肪，減左10%先講啦！

上完堂，先發覺原以為身體不錯嘅自己，原來身體也挺差的！所以今次減肥，除可好看點，相信體內暗藏嘅危機也可減除，繼續跑跑跑💪💪！

星期三有舊同事請食午飯，就破戒了，戒一破就輕少了很多，唉！

星期四打八號風球，搞到跳唔到舞燒唔到脂添！

週日同左兩個細路游水，每次游完都覺身心俱疲，游水不攰，游完帶兩個沖身，再行十五分鐘食飯，食完再行十五分鐘回家，回到家仲要再幫兩個沖涼後再自己沖，終於可以午睡！太感動！雖然攰些，但自己很愛游泳，攰一下子就算了！反正也要減肥😁

夜晚準備了這個沙律，芝士焗菇粟米加羅馬生菜，雖然賣相一般，幾正，下次再整！