媽媽，我好開心呀！

今日放假，朝早去左做野，做完就去接家姐放學，由於比較少機會接佢放學，每次我都盡量帶佢去玩，今次去左波波池，上次放假都想去，可惜在裝修，今次終於去到了！

行過去途中，個囡問左我好多問題，「點解你黎接我嘅？點解你帶我去波波池嘅？」買完包包比佢食又問：「點解買包包比我食嘅？」我咪答佢：「因為我係你媽媽，我好錫你，所以咁做囉！」

有時做媽媽，看到自己個囡開心地彈彈下，一邊行一邊笑住唱歌，相信已經覺得十分滿足了！有時聽佢不期然地說：「我好開心呀！」雖然對於未夠三歲的她來說，可能未確實清楚自己講緊咩，但聽到佢咁講，我感到因為我能帶比佢歡樂，真係令我感到幸福！我只想你永遠開心快樂健康！這是媽媽一生嘅期望！