黃C9減肥第十四星期：厲害，一星期減了3磅半！

第十三個星期（20-Sep -> 27-Sep)：-3.5磅 （146.3 -> 142.8磅）

我的餐單（8穀4肉, 減了一肉）：

早：1奶+3穀+1脂肪

午：3穀+2肉+1菜+1脂肪

茶：2水果

晚：2穀+2肉+1菜+1脂肪

特別餐單：

（一）兩日芋絲餐（兩日也只跟到半日）

早：半碗粟米粒+1肉+1奶 

午及晚：芋絲14札+豆腐半磚+菜

我的一週運動：

平均時間：24.3分鐘 / 日

總時間：170分鐘

自從報唔到跳舞班後，沒有了一星期兩堂的高心跳嘅跳舞堂，體重沒落得那麼好，所以上星期刻意加了跳繩運動！都幾work ! 可以跟番進度了！

這星期也很勤力運動，因為將會去日本，減定多點去日本掃街嘛！運動了四天，雙腳有點無力，星期五休息了，而且星期六日一也是假期，儲多點體力湊兩個小朋友！

近來買食物也會看營養標籤，發覺薯片類已買不落手，每包也至少30%脂肪（即100克就有30克脂肪！），食一百克就食左六份油了！正常一天只可食三份油，所以食一包100克薯片就已經食左兩日油份，太恐怖了。。。

最後看了十多包也是如此。。。唯有放棄薯片，轉買蝦餅，油份少三分一，而且獨立包裝，每次吃一小包（不夠一份油），滿足下食零食嘅願望吧！

其實買了個薯片切片盒，切薄片放微波爐叮5分鐘，都好味！兩個小朋友搶住食好快掃清！沒油炸般脆，但也是不錯嘅零食！下次整埋蘿蔔脆！